【明報專訊】「真係好感動！」新民黨主席葉劉淑儀（左四）估唔到過年前收到一份禮物。葉太話之前去赤柱懲教署員工宿舍家訪，其中一戶係懲教署職員Sam（左三）及太太梁燕平（Jennifer，左二），Jennifer當時幫佢影咗張相，話想為佢畫一幅畫，而Jennifer噚日就專程送上作品。葉太話Jennifer因為要照顧家庭，所以斷斷續續咁畫咗幾個月先完成作品。葉太話家訪當日係大熱天時，所以畫中衣著係夏裝，又話收到禮物既驚喜又感動，一定會好好收藏。