【明報專訊】今日年廿八喇，唔少市民鍾意行年宵，兼食吓嘢，不過可能就派咗好多膠喇。Emily講緊嘅係塑膠產品，環團綠色和平近日就去咗維園、旺角花墟及元朗3個年宵熟食檔，實地調查攤位派發即棄塑膠餐具，推算今年維園年宵嘅塑膠餐具丟棄量總共超過100萬件，平均每分鐘派發215件；而團體喺現場抽樣訪問201人，只得42%人話會回收用完嘅塑膠餐具。