【明報專訊】一度有意參加立法會新界東補選嘅立法會前議員鄭家富噚日喺facebook發聲明，話近日喺新東補選論壇上，有候選人炒作泛民初選嘅消息。佢強調，自己作為民主派一員，一直受絕大部分泛民認同，例如公民黨前主席余若薇都覺得佢唔係𠝹票，所以佢嘅政治立場同言論，同早已明顯變節嘅人，唔係同路人，阿富仲點名，話例如：新東候選人、民主黨前成員黃成智。但事隔數小時，阿富就刪咗黃成智個名。