【明報專訊】政務司長張建宗過去負責勞福政策多年，升任司長後亦不時出席勞福團體活動，好似噚日朝早佢就分別出席復康會舉辦嘅「無障行者2018」起步禮及賽馬會特殊馬拉松2018嘅活動並致辭，仲提及政府幾年前已「痛定思痛」。講緊嘅係早幾年平機會有報告嚴厲批評政府好多地方嘅無障礙設施都唔達標，政府接受批評，用咗唔少資源令政府部門嘅設施達標。