【明報專訊】民主派噚日舉行立法會補選初選，其中九龍西成為焦點。民協馮檢基早前拍片回應自己係「政壇李克勤」，噚日票站外就有選民攞住自製海報排隊，話要支持「政壇李克勤」，不過因為唔想講低身分證號碼而無投票；而獲公民黨站台嘅參選人姚松炎，除咗得到公民黨議員譚文豪撐場，譚仲帶埋一對龍鳳胎仔女現身支持，譚文豪話自己參選時對仔女都無親身撐，「你就知我幾想姚教授贏」。