【明報文章】我十多個家人之中，竟分別兩次有四人遇見周潤發，可見「生擒發哥」真係香港日常。那天在布袋澳吃午餐，幾個伙記快手快腳在隔籬枱加上大轉盤，然後十個八個食客進來，同行還有個坐輪椅的精靈婆婆。片刻安靜之後又暗起風雲，幾枱食客望往同一方向，Cap帽黑衣人進埸，發哥駕到了，一陣明星風采，又好鬼平民化，街坊食餐便飯啫，佢逐台say hi拍照，唔係生擒發哥，而係被發哥生擒，個個笑到見牙唔見眼。