【明報專訊】政府噚日舉辦《基本法》研討會，除咗基本法委員會主任李飛演講，亦有對談環節，搵嚟警務處前處長李明逵、青年事務委員會主席劉鳴煒、廣東香港商會會長彭浩賢，以及眼科名醫林順潮交流，但主題係利用一國兩制優勢為香港帶來機遇，4人演講幾乎無觸及基本法。喺內地開眼科醫院嘅林順潮話，如無一國兩制就無CEPA，自己就唔可以喺內地行醫喇。