【明報專訊】公共專業聯盟噚晚舉行10周年晚宴，請嚟特首林鄭月娥同前財政司長曾俊華出席，不過兩位特首選舉時嘅對手噚晚前後腳到場，未有碰頭。曾俊華致辭時講笑話，公專聯安排兩人到場嘅時間安排得好體貼，佢又重提自己落選特首，話去年美國總統選舉，民主黨希拉里贏選民票數，最終輸選舉人票，自己同希拉里有好多相同之處咁話。