【明報專訊】因為自由黨陳浩濂加入政府做財經事務及庫務局副局長引發嘅區議會山頂區補選，下月26日就舉行，新民黨主席葉劉淑儀早排打開口牌，話有意出選，仲話自己住山頂區多年，對參選有信心。新民黨噚日舉行會議，據知席間有討論到葉太出戰一事，該黨對葉太決定不願多談，但Emily聽聞葉太已決定咗唔會去馬，原因包括認為自己選舉工作起步較遲等。