【明報專訊】勞工及福利局長羅致光（CK）上任後馬不停蹄，就取消強積金對冲以至10月份《施政報告》關注嘅項目，不停接觸勞工界、商界及政黨，噚日就見完民主黨。Emily噚日見到CK，就問起佢對局長生活適應成點，會唔會好似佢上手張建宗咁要做「標準長工時局長」。CK就話佢𠵱家盡量6點幾放工，返到屋企都會睇吓電視劇，包括口碑唔錯、內地拍嘅《射鵰英雄傳》咁話，Emily聽到都覺得CK生活幾接地氣。