【明報專訊】勞工及福利局長羅致光（CK）噚日發表題為「社會保障數字淺釋」嘅網誌，回應早前副局長徐英偉返工時，被記者問起最低工資及綜援金幾多錢等資料但唔識答嘅事，CK話返到辦公室有查番長者、成人同兒童嘅標準金額分別係幾多。佢仲乘機反駁早前網上所傳「四人綜援家庭月入22000元」嘅流言，話一個3人綜援家庭嘅援助金額，同綜援長者、成人同兒童嘅標準金額並無關係。