【明報專訊】「專業議政」議員郭榮鏗（左起）、莫乃光、李國麟、梁繼昌同邵家臻，噚日趁立法會開會喺會議廳外向記者派水果，佢哋話呢70個梨同蘋果係「（油麻地）果欄直送」，但無透露使咗幾多錢。近日UGL調查委員會風波令唔少記者好忙碌，郭榮鏗笑言記者近排可能「躁底」，所以請記者食水果「下火」。特首梁振英指控梁繼昌喺委員會無申報被控誹謗，令梁繼昌同樣被捲入事件，有記者噚日就講笑咁問佢，派水果係咪都要向立法會申報，但佢忙於回應其他正經議題，就無答到喇。