【明報專訊】香港生產力促進局主席林宣武（Willy）係進出口界選委，但佢話今屆特首選舉就可以食住花生先，因為佢一早講明，孭住生產局主席身分會保持中立，唔方便提名任何參選人，所以有無人收到西環追魂call都唔關佢事。Willy上屆選舉係提名唐英年，佢話當年好簡單，因為大家係紡織業同行兼相識多年，所以提名時無咩需要考慮。