【明報專訊】噚日係法律年開啟儀式，亦係現屆政府見證最後一次法律年開啟儀式，律政司長袁國強突然喺演辭結束前，話好榮幸喺呢段香港充滿挑戰嘅時間出任律政司長，仲向司法界同法律界所有為維護法治作出貢獻嘅人表達謝意；佢又特別感謝喺律政司嘅所有同事，讚揚以上各人都係默默捍衛法治嘅無名英雄。講到好似臨別贈言咁，唔通袁司長真係好似傳聞咁講下屆唔想再做？