【明報專訊】英國脫歐公投噚日塵埃落定，結果令唔少人跌眼鏡，亦對全球金融市場帶嚟震盪，但自由黨榮譽主席田北俊（田少）就有唔同睇法，形容呢次係「入市良機」。田少講緊嘅唔係香港股市，而係英國樓市，事關田少原來喺英國有物業投資以收租為主，佢話雖然預計租客會少咗，但以長遠投資計，𠵱家就可以喺當地「掃貨」趁低吸納物業。