【明報專訊】民主黨主席劉慧卿早前宣布今年9月唔會競逐連任立法會議員，正式告別25年嘅議會生涯，佢過年派發嘅最新地區單張，亦已寫上同街坊嘅離別感言。追憶往事，卿姐以「民主女神」之稱踏上從政路，而佢當年任職無綫記者時，以一身吊帶裙、戴住太陽眼鏡出鏡，至今仍為人津津樂道。其實卿姐嘅吊帶裙36年來一直收藏喺衣櫃內，佢當選民主黨主席時，仲講笑話會著吊帶裙出席立法會。話咁快就要離開議會，卿姐噚日同傳媒新春團拜時就再度承諾，落任前會著番出嚟。