【明報專訊】見過Steve Jobs（美國蘋果公司創辦人喬布斯）嘅創新及科技局長楊偉雄，日前講過嘅「有邊個見過Steve Jobs？未呀？我見過！我真係見過！」成為金句，引嚟網民、藝人以至慈善機構紛紛批評同「抽水」。楊偉雄噚日接受無綫電視節目《講清講楚》訪問時，就回應呢股網上熱話，話欣賞大家將金句發揚光大，又讚香港人將呢幾句說話發揮得淋漓盡致，係創意嘅表現咁話。