【明報專訊】港人最關心住屋問題，Emily噚日見到歷史檔案館今日起舉行「同一屋簷下﹕1950年代香港的徙置工作」展覽，當中有唔少珍貴圖片，畀大家一睹1950年代基層住屋面貌。「同一屋簷下」展出約60件展品和圖像，介紹寮屋及徙置區歷史，當中有喺洞穴同樹上嘅寮屋相，以及最早期嘅石硤尾、李鄭屋、樂富同黃大仙徙置屋邨（又稱徙置區）相片。