【明報專訊】立法會內務委員會噚日召開特別會議，討論屋邨食水含鉛量超標事件。今年66歲嘅金融界立法會議員吳亮星（圖）好認真咁問咗一條關乎香港人壽命長短嘅問題，佢問政府﹕「如果（水）含鉛量適中，（係咪）有助延年益壽？或者如果令壽命減少，政府係咪需要負責？」政務司長林鄭月娥回應時都忍唔住笑住咁搵救兵﹕「要請高（永文）醫生幫幫手。」