【明報專訊】有人擔心佔領中環影響生計，不過有班中環人就話，無咗公義制度同公平競爭，對生計影響仲深。佢哋聽日兩點開始會喺中環蘭桂坊希臘菜餐廳SOUVLA舉辦佔中商討日（D-Day），重演希臘式直接商議民主。搞手錢志健透露，聽日商討日約有50人報名，包括港交所資深職員，仲有入過共青團嘅保險經紀，連中原地產創辦人施永青都有興趣到場了解一吓。