【明報專訊】噚日表態支持唐英年做特首嘅任志剛，之前接受樹仁大學新聞系《仁聞報》專訪，對於好多人估佢會唔會加入唐英年嘅管治班子做下任財爺，佢就話「寧願學hea」，享受優閒生活，唔會考慮返政府做全職人員。Emily好奇怪，乜hea都要學？原來任志剛退休以嚟，並無放低金融同經濟課題，依舊每日晨早6點起身，第一時間就睇金融財經消息。